اكفخ سما سوا سوا فوق ولفوق=من فوق زامي ساميات السحايب
استشمل لحد الفضا لآخر الذوق=للملح لاْصفا ناعسات الهبايب
من فوق كاف وقصرها بعثر الشوق=لاْيّام عز ربوعنا والقرايب
واطرق لخلفه بالفخر كل طاروق=وارفق سطر شامان وقت الحرايب
استعرض التاريخ والمجد مرفوق=مع كل ماضي في زمان الركايب
عرِّجْ على الهافات مع زحمة السوق=تَدْرج طَرَبْ ماساقها كل هايب
وفي وقتنا عاقل وباتع ومطفوق=ولاهي خليَّه من عموم الشوايب

ذكرتني ربي يجيرك من العوق=تاريخ لو هو راح ماهو بغايب
مجد الرجال اللي رقوا للسما فوق=ستر العذارى ناقضات الذوايب
ياعنك ماخلوا للامجاد طاروق=الا مشوا لعيون دربه كتايب
على المنايا ساقوا اعمارهم سوق=ياما غدو في ذل الاعدا سبايب
(عليان زاع)وسمّحه راعي النوق=يروي عطاشا الموت عقب اللهايب
ارضٍ فضا ماحدّها ظالم الضوق=سماه عز ولاتردّه نوايب
راعيه ياخذ حقّه الطاق مطبوق=ينتل سطر ماهو مدوّر طلايب
واْسئل عن اهل الهاف والدرب مدقوق=خلوه راحوا للدروب الصعايب
يمشون ظلما عفش ماعرْفو رفوق=حاضر لحق حاضر ولاغاب غايب
قبل الشفق يظهر له انوار وفتوق=جابوا طلبهم يوم راحوا نهايب
يسقي ثراهم كل ماتلعج بروق =همّال غيث المرويات السكايب

المشاركة الأصلية كتبت بواسطة مليح عياف الرويلي الله يسلمك يابو يزيد عملاقين نفخر بهما كثيرا خالد وسعود وجهان لعمله واحده هي الابداع نهلت ولم ارتوي بعد احترامي لسمو قامتك

المشاركة الأصلية كتبت بواسطة هيذام النصيري الله يعطيك العافيه شاعر جزل وماتنقل يداك غير الجزل صح لسان الشاعران وصح نبضك الطيب ودي واحترامي