في وسط صاله وانتظر وصلة الدور=سهيت انا يالقـرم واخـذت غفـوه
حسيت حولي همس والصوت مغمور=أثري مكانـي تنتظـر فيـه نسـوه
قلت آتشجع واكشف العيـن للنـور=واْبْغى اْعتذر وآقول ماكـان كبـوه
وفتّحت عيني شفت حورا من الحور=فعلاً على البـدْر بكمالـه تهقـوى
في عينها كون ومتاهـات وبحـور=في ظل رمشٍ وافـيٍ حيـل ضَفْـوه
أول أقـول النـاس ماتـدعـي زور=ان الجمال يزغلـل العيـن صفـوه
وانه يخلّي شايفـه شبـه مطيـور=ويجعل كـلام الآدمـي غيـر لغـوه
ورفعت راسي منذهل حيـل مبهـور=واطلقت للسانـي عنانـه وشـدوه
بدال هفوه واسمحي نـوم معـذور=قلت :"امسحي عمذور ماصار فهوه"
قالت :علامك ياولـد تقـل مغـرور=ترى لغتنـا يابـن الاجـواد حلـوه
قلت: "الفعو ولفوشتك ليح سمـرور"=لغـات كـل الكـون للعيـن فـدوه
وغديت انا كني من شوي ممطـور=والوقـت بـرده واصـلٍ حـد ذروه
قل العرق مني تقـل ..مي..منثـور=قل رعـدة البـردان جتنـي بدفـوه
قل (غَيَّبْ)وحامت على راسه طيـور=سبّة جمـالٍ لـه فجـوره وسَطْـوه

المشاركة الأصلية كتبت بواسطة حاكم الشعلان خالد هذي ما هي نقازية. هذي هذي قصيدة خفيفة دم/// تسلم اناملك يا شاعر بعض اللواحظ يسمك سم/// يرديك في سهمه الساحر يسبيك بالرمش و المبسم///و اليا و مر قلت له حاضر سلمت الانامل....................... و اجمل البوح بوح ايام الشباب