شهرشهرين،،أو سنتين لجلك خافقن يصبر=ف ضياع الشال والدمعه ف ضياع القلب ياعصفور
احسك نابض بصدري وروحن فيك تتأثر = ونورٍ جاني اموادع وداع الطيب المكسور
انا اتألم على فراقك واخاطر لما تتكدر= شفت شلون ياعمري فديتك دربي المخطور
تلتم حولك العالم كأنك بينهم مبخر= ياحظي فيك ما ادري حظيظ بقلبك المقهور
تجيني بماضي الغيمه تجيني بحاضر الدفتر= اذبح فيني بكيفك عساك اتقطع المجبور
شعورك يجذب الهامي وحبك فيني ماقصر=حقيقه اعترف انك زرعت الخاطر المهجور
حبيبي منهو من غيرك يورد فيني ويصدر= قسم بالله مامر يوم إلا وفيك انا مأسور
اشوف العالم بكبره مع لقياك يتبلور= ومدار الدنيا من حولك يعلمني مساء النور
تعلم وين تلقاني وانا في قلبك الأخضر= أدور فيك عن روحي وصبحك بالفضا مغمور
حبيبي خذني لعيونك حرام القلب يتصبر= ارحم دمعتك عني بضيع بحزنك المنثور
تدلع حطم بعمري تدلع قد ماتقدر= وياليتك لوتفارقني وتجيني والزمان ايدور
زياره عيدها تكفا بشوف الكون يتغير= بشوف الأرض بعيونك مدينه ماعليها اقصور
حبيبك ماخذل قلبك بعينه صورتك تكبر=وراسك مايبي غيرك قطع لك بالمسافه ابحور
امرك يابعد همٍ تلوى وجاك يتعطر= تحملني اذا تقدر بضيق بصمتك المغرور
احبك شفت هالدنيا ابعد منها واكثر= احبك تعترف فيها المدينه والسما وطيور
حضورك يعني بين الناس كل شي عندهم نور= ماخليت حتى الشمس تاخذ فرصتن بشعور
دخيل اللي رفع شانك ولا خلاك تتكبر= خلك عندي اهنيه دقيقه ولك انا مشكور
نزل اسمك على قلبي وخطيته من العنبر= يشمونك وسط قلبي وطيبك عندهم مشهور
خسرت امن العمر واجد خسرت ولا دريت اخسر=وربحت امن العمر شوفك وهم بشيبي المحصور
لما تكون قدامي كأنك معتلي منبر= بصفق لك على جرحن تجدد آخر الطابور
طفل يرفضني لا يكبر بقلبي صورته تظهر=حلفت بكل طموحاته بمزع همه المنشور
شقق شقق بقلبي ودمر حلمي الأحمر= عساني ماخلا منك ولا من دمي المهدور
تعال وبخر الخاطر كفايه هناك تتأخر = وكفاني بكل أُمسيه بشوف اعيونك الجمهور

المشاركة الأصلية كتبت بواسطة أبو فزاع السلام عليكم ورحمة الله وبركاته ابيات رائعه واكثر من رائعه وخطت بأصابع اكثر روعه وابداع سلمت يمناك يا شاعرنا المبدع على ها الأطراء الطيب وأروع قمم الجزاله وهالشي ماهو بغريب عنك يا شاعرنا حيث انك بين الحين والأخر تبهرنا بماهو اروع واجمل وما اقول الا صح لسانك للمره الــمــلــيــووووووووووووووووون

المشاركة الأصلية كتبت بواسطة خالد جازم البرمان ترانيم موسيقيه غائره لعمق ذعذعات النسيم العذب الذي يداعب أنفاس رقصات النفس المثخنه جوع عتب الحبيب حربي ثويني انت رائع وصح نزفك وقلبي معك

المشاركة الأصلية كتبت بواسطة عبدالحميد طويرش الرويلي سجّلني مع ابو جازم اخي حربي بإنتظار كل حرف تخطه لنا دمت بإبداع وتألق وتميّز

المشاركة الأصلية كتبت بواسطة خالد الوهيبي صح لسانك يا ابن اخي