الطيب تره النبا الزيني=قولة هلا وأنت ماتودّه

يامدّر الطيب هالحيني=ومدوّره دوم وتعدّه
(الطيب تره النبا الزيني=قولة هلا وأنت ما تودّه)
طع ربك أكرام والديني=ترها لك كنوز ممتدّه
وليا نصوك المناديني=أفزع لو ظروفك بشدّة
الفزعة بساع وبحيني=وإلا بلاها بعد مدّة
أكرام ضيفك والأدنيني=واجب لهم يالخوي أدّه
والجار عامله بالليني=لو هو غثيث ٍ فلا تندّه
وصّى عليه الملاييني=المصطفى محمّد وبدّه
وأن جاك نشّاد مسكيني=أن كان تقدر فلا تردّه
وأن كان ما تقدر تعيني =لا تنهر السائل بحدّة
بالناس صحبة على الديني=بالناس صحبات ٍ ملدّه
أصدق مع اللي مدليني=على السنع ما عرفوا ضدّه
وأحذر من مصاحب الشيني=كم صاحب ٍ ساحب ٍ ودّه
اللي طبايعه تلويني=المزح يغلب على جدّه
لا توفي الدين بالديني=الدين واحد ترى سدّه
أصبر على الهم والبيني=خل باسك أقوى من الشدّة
لا تشكي القل بيديني=الرزق عند الله بيدّه
لا تلتفت للمقفيني=المقفي خلّه على الصدّه
مد النظر دوم بالعيني=قدّام هدّ النظر هدّه