ترفّق على هونك شويّه ياسنـا,التنـور=هيّـد شـويْ شـويْ لاتحْـرق ايديهـا
لاتكْوي كفـوفٍ تلامـع كمـا البلّـور=دخيلك دخيلك ياسنـا,التنـور داريهـا
أرْجوك لاتوذي بضوّك عيـونٍ حـور=عيـونٍ خلقهـا الله لتذليـل غاليـهـا
وتكْفـى عليـك الله لاتلْفـح الدّيجـور=الّلي من أعْلى الرّاس للكعْـب كاسيهـا
وأحْذر تذوّب خدّهـا والحـلا,المنْثـور=وشفايـفٍ كـنْ العسـل ذايـبٍ فيهـا
دخيل الحطب والخبز,وكل القرى والدّور=ارحم ظنـونٍ مُرّهـا صـار,حاليهـا
ولاتلوم اللي بحـب الفاتنـه مسحـور=لوهي بغت روحه من الحـب يعطيهـا
ودام الحطب من ضلوعي ياسنا,التنـور=جمّر الضّلوع إيحـنْ ويـداري ايديهـا