يالله ياللي له عباده يصلون = يا غافر لذنب الضعيف النحاوي
يا منجيا" من ضلمة الحوت ذا النون = يا واحدا" تقوى على كل قاوي
انك تثبتني ليا زلزل الكون = في ساعه ضك المدا بالدعاوي
يوم ان غيري للوطى ساقوا الدون = انا لغير الله ما اسوق الرجاوي
يا مزيد لا تسمع خطاا اللي يقولون = قل الرجا ساع اختلاف الهقاوي
واسمع لجابت شاعرا" باح مكنون = ابياته اللي للخواطر اتداوي
عنــز على اللي لا لفا الجيش يلفون = من فوق خيلا" مسرجاتا" عناوي
لا حان فك ام الرقايب يبينون = من فوق قب ام الجنوب اللهاوي
شهبا" مراديف عليهن يبارون = ارماح موتا" دونهن ما نراوي
امثالهم حرا" شلع دون عجلون = ولع مقابيس السطر والمناوي
منوات موتا" دونهن جو يلبون = من دون عزوتنا لنا الموت ياوي
ارويل عشنا للشجاعات قانون = وبسيوفنا الموت الحمر يا عماوي
ان كان لدروب الخطا جو يريدون = ذيب القصايد جالك اليوم عــاوي
انطح بسيف الشعر مليون مليون = واظهر ليا قبت عزوم العزاوي
من لابة دايم على العز يرقون = حريبهم ذاق البلا والبلاوي
قعاقعه لا مــن هل العز يردون = خفاقهم للمعركه به شفاوي
وانا من اللي لا عطوا مايردون = عطا الجزيل ولا يرد العطاوي
يوم ان شمر تفخر بطي وشلون = ما نفتخر باللي بفعله خلاوي
ابن طــلق وشهــاب يوما"يمدون = مـدة يمينا" ما تمد الدناوي
مــدة صخـا مــدة كرم يوم يعطون = ما هيب بمــدة من قسمه بتساوي
ربعي على رجم المراجل يطلون = اكبيرهم واصغيرهم واللحاوي
واقول موت بذلتك وانت مغبون = تحيا تموت تندفن وانت شــاوي