متواضعه ترجو ان تسمو الى شموخ ذوائقكم
^


^


^

ماسنجر القلب يشكي قلّة الوالي=ورسايله مزهريّه وردها ذبّل
وش عاد اسوي مدامي عارفٍ فالي=من مبطي الشؤم وسطه زمّر وطبّل
صحيح فيه اْصدقا من أوّل وتالي=وصافي غلاهم بجوفي زبّد ودبّل
قصدي أنا الّلي هواها زوّد هبالي=وثوب الغلا ضافيٍ من فوقها وسبّل
رميت أنا يمّها تركيبة نْبالي=وأنا ادري إن الحشا من عينها منبّل
ريميةٍ ظبيةٍ توشّعت حالي=وشف مسرح الشوف في تكوينها مكبّل
إحتلّت الشاعر المتبهذل السّالي=في ضحكةٍ ثغرها فتّان ويهبّل
صارت هي الشاغل وتتعمّد اِشغالي=وبيت الجوارح لها معروض ومقبّل
راحت حياتي فوات بقامة آمالي =والنفس لحروفها تشتاق وتقبّل
ياخوف خوفي تكون انقطعت حبالي=وكل الذي فات عشت بسكّة مهبّل
ومادمت ذيب وكلامي وافق افعالي=باغامر ولوحظوظي وردها ذبّل
أحب واعشق ولكن يصعب اذلالي=كرامتي غيمةٍ ديمومها وبّل