حنا بشر نملك مشاعر واحاسيس = وعرق الكرامه والشيم والمروه
خوينا لوهو طلب عرش بلقيس = أما نجيبه طيب والا بقوه
حنا أسناده بالليال المتاعيس = لاظلم عليه الليل أنشب ضوه
مانطيع فيه أهل القلوب المناجيس = مهما حكوا به صورته ماتشوه
كبيرنا مايستمع للدنافيس = وصغيرنا وسط الشدايد مفوه
عاداتنا من يكسبون النواميس = أهل الكرم .. مْـزبنين الجلوه
وقت الشدايد تكرب الخيل والعيس = صغيرهم اليا أنتخى مايتوّه
ماعاشرو الهلباج واللاش والهيس = اهل الردى اللي يجحدون الاخوه
ماشره على رخوم وحثاله ومناحيس = والحر مايشره على فرخ بوه
أصدورنا أرحب من وجيهٍ معابيس = ومداتنا مزنٍ غمرهم بنوه
أحلامنا بين الوهم والمتاريس = وشموخنا يرقى بنا في علوه
لو الاماني في حياتي كوابيس= مايرتبط باقصى الخيال وسموه
لي هاجسن ماتحتويه القواميس = ولي نظرتن مضمونها ماتشوه
والله لو أشتم والعن الحظ وابليس = قمة شموخي بالمواقف تنوه
بعض العرب بالحب كنه مثل قيس = ومضمونه أدنى من خيالات سوه
وانا مسافر مع خيال أمرؤ القيس = عند النجوم أبعاد فكري وجوه
مادام عزمي فوق كل المقاييس = من الطفوله لاحتظار الابوه

صـــــــــــــــــــــــــــــ لـــــــــــســـــــانـــــــــكـ ــــــــــــــــــــــــــــــــــح

اخــي وعــزيزي الشـــاعر : مــحمدهــايش الــرويلي

خوينا لوهو طلب عـرش بلقيـس*****أمـا نجيبـه طيـب والا بـقـوه
حنـا أسنـاده بالليـال المتاعيـس*****لاظلم عليه الليـل أنشـب ضـوه