عن ناظري من يوم نور القمر غاب=وسط الحشا شبت لهيـب الوقايـد
شفت النكد من مات أبويه والاتعاب=من غاب عن عيني حياتـي نكايـد
عيني لها عن لذة النوم حراب= كن الرمد في محجر العين سايد
لا غمضت عيني ولا الزاد لي طاب = مركاي أنا كوعي بدال الوسايد
ضاق الفضا والوقت كشر لي الناب = من يوم حطوا جثته باللحايد
مات الشجاع الفذ عريب الانساب = راع المكارم والوفا والفوايد
أبويه اللي للمواجيب طلاب = الشامخ اللي مايهاب المكايد
الوافي اللي بالصعيبات ماغاب = تـرثي أفراقـه معجـزات الـقـصايـد
قبل المفارق ماتناسيت الاسباب = وبعد الموادع مانسيت البعايد
صيته عزانا بين ربعه والاجناب= رغم القلوب الظالمه والـعـوايـد
ماجيـت أبشكـي للمـلأ جرح الاحباب=ولا جـيـت أبــدد لوعـتـي بالـنشايد
وأن قلت أبسلا بين صادق وكذاب= لا والله الا يـصـبــح الــهــرج زايـــــد
والشعر مايوصف أفعوله ولا ثاب= لو تلبس أجـــزال المعانـي قـلايـد