مـن طـريف بـدرت بالـتيه=ونهجت انا للحفر عاني
من فوق اللي لا مشى بيه=ونفسه لزاق ولا يداني
وياخذ اللفه على الميه=وعدادها مهو غلطاني
من الوكاله ورد ليه=وجديد من مصنعه جاني
يوصك بنت اسنافيه=هي زرع قلبي وبستاني
اللي ليا جيته فرح بيه=وشوفه على الناس عزاني
وابغيه ومتولع بيه=وياعاذل القلب غلطاني

يومنه جان الاميري ياهلا ويامسى الخيري= منا ترحيب وتقديري كلن بقدومه فرحاني
والنوري كلن نطيعه ليا رص الختم وتوقيعه= وحرن وامور بديعه يعجبني عقب كحيلاني
اموره كلن حمدها من شيوخ وافي وعدها= والعوره جاها ولدها وارتحات عقب ماكاني
وكل الطوارف جمعها قبله ابوه مسنعها=والجره لازم يتبعها يتبع طريق الشيباني
النوري ولد فوازي بالود مهو قزازي= وزنه ثقيل ولا يرازي عندي للفعل برهاني
والعليا هذا راعيها ولغيره مهو معطيها= ومن الطفوله زاهيها مهي علوم مجاني
انتي ياشقر ذوايب روجي لعيال القرايب=وهم عزي يوم الحرايب وليا ذكرنا الاكواني
نبي نسولف باللي صاير روجي لحماية العشاير= يوم الارباح وخساير والفشق مثل الدخاني
يام الثامن الرهايف مبطي من عهد نايف= عز الاباكر الزهايف نعمين بكل الشعلاني
والمركب مبطي حامينه على عدوان باغينه= وسعوف الوالي ظمينه يامنه حظر الشيطاني
كون الدريعي وكادي من النقره غزى بغدادي= بتل فروع الحمادي على عوده زعلاني
حنا من عهد مليحي نطيحه مايستريحي =يصيح صياح الطريحي خلف ومعه شاماني
نطخ اللبه ونغرب وسلافنا يجيك مسرب= وعلى الشجاعه متدرب بمجموع مثل الجيلاني
ياحلو يادقاق العودي فعل ابن دويرج ماكودي= ليا قظب عقب البارودي يجعل العمر ماكاني
ياعين خشيف اباالقوري نقصد والواهس مكسوري= يوم اذكر ربيع الخوري وبيوت مثل الظلعاني
ولوجستي هاك الجهامه تمشي وسيفه قدامه= لا ياحياة الندامه بس اسمع حس الرعياني
الصفر والمغاتيري والشعل لها مقطيري= تمشي والصاير يصيري هذا الكلام البراهاني
وراجت العليا من صفيه ليا مشت ماهي خفيه= زاعت مع راس الثنيه تبي لذيذ المقطاني
يومن النوري دعاها راجت الناس من اقصاها= على عدوه رماها يبي يسوي له ديواني
والحين الدنيا محكومه والحرمه تاخذ لزومه= تطالب ولا هي مظلومه وافطن بكلمة سكراني
مامن علومن كثيره كلها صارت بالديره= حكمها سبع الجزيره كلها مثل الميزاني
ممشاه على الشريعه والحكم العاصي ما يطيعه= يجيه بسيفه قطيعه يما يوريه الحقراني
ياعين خشيف النوازي الحينه مامن مغازي= هي بسط والحكم عزازي وقت من حظ الشرداني
بالمجلس تسمع صهيله ليا قعد وزن الحليله= يوم المغزاي عزي له يغدي عليه سعداني

علم اللي شرق وقله= بانتاج فكري وتعبيري
بي عقدت ماهي منحلة= وعند الولي كل تدبيري
وقلبي اللي خرب كله= مايطاوع الشور ومشيري
والكبد عدة على المله= والا على حامي الكيري
وش كار اللي مافقد خله= ولا يمضي الليل تفكيري
ليت الحفر ينزل مظله= وحنا نجيهم مساييري
نجيهم من عقب تعلله= من فوق اللي يسبق الطيري
رخيص والدرب يندله= ولو اظلمت عدها عصري
الجمس له مركب فله= والله عليه التياسري
سحبتها من حفيز له= ومن مصنع ماركبه غيري
عليها ماحطوا الحله= بس الغيارات وسبيري
يوصلك اللي زاهيه دله= وراضي على شري وخيري
من الطفوله خوي له= ولا بدل الفيض بالغيري
ودرب الوفا دوم طبع له= ولا شفت بالجو تغييري
عليه مايدور الزله= والله لو يشوف تقصيري
الروح مع واحد شله= والدغمره مابها خيري
ولابد الاوراق منحله= يجري لي اللي جرى لغير
ياالترف واسمح لنا الزله= وان حصل بالقاف تقصيري

قالوا علامك قلت كلي علامي= باسباب منهو الدوم وياي
اخذت انا وياه عدة اعوامي= الله واكبر كيف ننسى مزاياه
اعرض لنا بالليل واثره حلامي= وشلون يدله واهج القلب ينساه
ما الوم نفسي لو طواه الهيامي=والنفس عافت زادها ما تهناه
وغديت مثل اللي عزاه الفطامي= عقب السعاده ناشفات شفياه
البارحه بالليل عييت انامي= وقمت اتقلب كن عيني مداواه
على صخيف الروح عذب الكلامي=لا و عذاب القلب من عقب فرقاه
قوطر يحج البيت ولبس الحرامي=يالله تقبل حجته عند مولاه
يالله يا محيي هشيم العظامي=يا منقذ يعقوب من شد بلاواه
وعقب العمى خلاه يبصر شمامي=حيثه قديري يسابق العرش برياه
هات القلم والبوك وسجل كلامي=بابيات شعر من ضميري عملناه
يا شفت زول الترف زاح الظلامي=ما يطري الهاجوس وابليس ننساه
من لامني بالترف جعله يلامي=حتى يجرب ما جرالي ويلقاه

امس ام طرفاه جيناها=وميرتها مع رديفتها
من فوق اللي ركبناها= جديدة من وكالتها
من الحمراني سحبناها=وبديه ركبت لوحتها
ومتعلم سنع ممشاها=وبيمنايا لفية طارتها
يعجبك يا شفت ممشاها=تقل هنوف بنزتها
مهندس الصنف ما جاها=ولا قيل تنقص حررتها
خبيرها يوم سواها=عز الله اتقن صناعتها
جعل الدنانير تفداها=صحاري البر غرتها
من الجراني حرفناها=وديرة طريف حروتها
وعجه على صوب ممشاها=مية وستيين سرعتها
وليا مرتك ما تمارها=ولا يوكد الجيب جرتها

الله على ركبة الهافي= وكل الحركات مضمونه
من سرعته كيف من شافي= تقل السواحل يلزونه
سواقها قرم وسنافي= ليا مشىجاب طبلونه
قصدت وارسلت انا قافي= كل اهل الصنف يقرونه
ارسلت خطي لا ابو لافي= ومن حقي لازم يردونه
القلب مصخر وميلافي= واشفق عليكم وتنسونه
ويجيك دمع النظر صافي= وسود الليالي تخبرونه
يما اخذت قبلنا اسلافي= و ليا تفطنت ملعونه
لابد من مجضع وافي= بس النصايب يحطونه
حتى الاثر قشه السافي= ما غير هرج يقولونه
بس عساك طيب ومتعافي= ومحبته ما بها رهونه
الفيض من خبركم حافي= عيو اهل الجوف يبغونه
ما عندهم حق ونصافي= والناس المعروف ينسونه
كل السنع غرب واهدافي= حول المعازيب تلقونه

يالله ترحم من شكالك همومه=يا واسع الرحمه راعي الحساني
وتعين اللي محرجات ظروفه=من واحد بالحب رمحه رماني
والله ما انسى هرجته ومعروفه=منساه انا بالحب لو هو نساني
حبه بقلبي ساطيات سيوفه=ولا هي من اللي حبهن بالهداني
حيثه بعيد ومنتحن ما نشوفه=لا يا شفتها يالقرم يكثر جناني

بلغنا باْمر الاميري وحنا بالخطه نسيري=والله عليه التدبيري فارس عطانا البياني
بلغنا باْمر سموه وباغين بالقاف ننوه=وعسى الله يكسر عدوه شعبه بقدومه فرحاني
اول جواب مبدينه ذكر عزيز راجينه=خلاق ابن ادم من طينه على الدليل يهداني
ملكنا فخر العروبه جميع العالم حكوا به=عز الشعوب المنكوبه لانفذ بالامر كاني
يسلم لي هو وعضيده راعي العلوم البعيده=اصفى من صافي حديده وزير الدوله سلطاني
نبي نقول الوصايف اْقصد ولاقلبي خايف=الاْمن يديره نايف ومعه شقيقه سلماني
ابغى اذكر صقر الشمالي عزيز وعليه غالي=يابدى حال من الحالي يعجبني عقب كحيلاني
عقب اللي يوم الركايب يوم ان الدنيا حرايب=يشيب الطفل والشايب شلفاهم على البيباني
عبدالعزيز وسميه كلن ماخلى خويه=وردوا حياض المنيه وجعلوا العمر ماكاني
صنمهم بس اربعيني وغيرهم ماذكروا شيني=خلوا العشر عشريني وعندي دليل وبرهاني
ماخذوا الحكم بمعروفي خذوه بحدب السيوفي=جميع العالم تشوفي والفشق مثل البركاني