سألني ليلي الموحش علامك جالس سهران= وتو الليل بعيونك بعد ماعقب الدله
ياليته يدري بصوتي وصل في خافق الذيبان = انام امفتح اعيوني وتارك وجهي للقبله
ولامني تضايقت وتكاثر حولي العقبان = زبنت الفيضه اموكر خليلٍ ملتقي بخله
معارك تضرب براسي ف حلم بأول الدخان = وأصيل الدم لا دافع ترى بيدافع لأصله
وجتني معركه فالحلم كان ابطالها الشعلان = وسمعت اصوات تنزرني شق صميله وخله
وخصومٍ تبتلش فينا ولو كانو بعد شجعان = كسرنا مساعيهم وصارت ارض محتله
أشوف النوري في رهبه عطاهم درس فالميدان = عطا حق السيوف اعيون ف الأرواح مبتله
عليا،، لاغدى ليلك تناخت عقبك الويلان = لاهنتي .. ولاهانت.. قلوب ارجال منشله
عليا،، لاطرى طاري طيورٍ غطت الوديان = وعدوٍ ماذكر ربه تشهد بالخلا وصله
عليا،، وان سمعناها تجي ف عروقنا نيران = وصوتٍ ينتخي فينا بدون شعور ناصله
صهيل اخيولنا يذبح مشاعر ماتبي تنهان = وهذي اطباعنا دايم على الفزعات تتسله
سلامٍ حار للفيضه سلامٍ يطرب الوجدان = سلام سكاكا اخت الجوف وقريات مابدله
سلام العم ابومشعل سلام يصفصف الفرسان = وتحياتي لبوسطام تحيه طيبه جزله
منور يابعد صبحٍ شرقبك شرع البيبان = مضيفك طيبٍ امهيل يفز بنكهةٍ عجله
اورنس ياعضيد اللي نخاك وهقوته بك شان = كل ارضٍ بتاطاها ربيع امجمل بصمله
غلاك السيف والبارود وفعلك شتت العدوان = غلاك الصعب مع موتٍ يجي ف بنادم بغفله
وشغلت قلوب يافواز ف ذكرٍ يرجف الأبدان = جعل قبرك نهر جنه ونعيم يخاشر بوصله
ويابوسعود يانايف ياحرٍ ينهض الجنحان = زرعت بكل ايمانك خشوع الروح للمولى
وعلى طاريك ياسطام شموخٍ يرفض النسيان = ماتخطي ولا اخطيت كفك تكسر الزله
ابوممدوح يانايف مساك الشمس والقيفان = مساك احلى مسى حرٍ مغيرٍ ثابتٍ فعله
لجل الريح والأزمان ولو نارك تقل بركان = شقيت.. ولا وصلت إلا ف طريقٍ ماحدٍ دله
نموت احرار بالدنيا وأسامينا على الأوزان = وعنك ياعقيد القوم مايحتاج نتخله
ولاء وسمعا وطاعه من اقصانه لأبن شعلان = ومنهو يزعلك ياشيخ نجي عنك وندخله
شدينا من اهنيا حدرنا ف قبة الأزمان = نتحرش على طينٍ نزيده دمنا بله
تعلمنا من التاريخ دروسٍ تدفن الأحزان = تعلمنا الوفا عهدٍ نموت ونحترق لجله
جينا طيور فالدنيا حره ماتجي تنهان = ولجل عصابة النوري كسير الحال نفزعله
ونترحم على نواف امير الجوف والعرفان = صنع للعليا اعقولن فطينه ولاهي سهله
ومنهو اللي بيحاربنا بيواجه عاصف الطوفان = وأصغر راعي للعليا سيوف الموت تشهدله
نقدم من يخاوينا علينا ولابها نقصان = وعفيف النفس لو يزعل عن الميلات بنعدله
من اقصى الأرض لدناها ننقي خيرة العربان = ولا نخاوي .. مع الحسبان شخص بوضعه وشكله

المشاركة الأصلية كتبت بواسطة خالد جازم البرمان وجتني معركه فالحلـم كـان ابطالهـا الشعـلان ________وسمعت اصوات تنزرنـي شـق صميلـه وخلـه ___________اقتباس من الرائع حربي ثويني _____ _________________________________ نصيحه ممتازه (شق صميله وخله) احسنت وصح لسانك

المشاركة الأصلية كتبت بواسطة سعودي صح لسانك أخي حربي .. تقبل خالص تحياتي,,

المشاركة الأصلية كتبت بواسطة عليان زاع حربي عز اللة امك جابت ولد للة درك هذا الشعر الذى يلمس الاحاسيس نحتاجة بهذا الوقت والى الامام ياخي العليا تنتظر المزيد منك واخوانك الشعراء دمت بخير

المشاركة الأصلية كتبت بواسطة محمد الدغماني أشوف النوري في رهبه عطاهم درس فالميـدان عطا حق السيـوف اعيـون ف الأرواح مبتلـه وافي يابونايف وشامخ منهو يخلّد تاريخ اي قبيلة غير ناس بمثل فعلك لولا الله ثم انتم انا نفسي ماعرفت عن قبيلة الروله شيء واقصد بانتم الشعراء والكتاب اللي يكتبون عن القبيلة والكتابه يوثّقها القصيد ولولا قصيدة خلف الاذن بعد معركتهم مع الصخور مالقينا الدليل القاطع والبرهان الثابت ماقول غير كلنا فخر فيك ،،،