مثل الصغير وفاقد العطف محروم = يبغى الحنان ويلتقي فيه صدفه
في مفترق عمره غدا الحلم مقسوم = بين الفرح وحدود عقله وعرفه
في ليلةٍ غدرا كسى جوها غيوم = يشرق قمرها بين لينه وعطفه
على سنا ضوء النحر ترسم نجوم = نجمه ورى نجمه وبابٍ وشرفه
عدا المراحل مرحله وأسمع علوم = ماكل شالاً تتقي فيه ترفه
قل للكواكب ياقمر ترفع السوم = وقل للثرياء .. لا تغلى بعرفه
وقل للنخل قبل أيتمايل على الدوم = وقل للعمى قدام ياقع بجرفه
وقل لعناقيد العنب قبل ماقوم = حامض ولكن كيف دليت خرفه
دام البساط أمحمدي صرت ملزوم = في معرفة سرً تمنيت عرفه
فل الكتاب وعنون الليل برقوم = وّرتب ليالينا من الحب غرفه
فيها شموع الحب ماتقبل اللوم = تدعي سهر عيني على رمش طرفه
وأحكي حكاية ساري الليل منجوم = دنيا الحنان اللي برى الحال حرفه
أحن له وأشتاق له وأذكره دوم = فاقد حنانً وألتقى فيه صدفه