يـاللي تبي صورة طفل كـ لنـا أطفال=حطو صورنا فـي شريط الإذاعه*.
من (.................) بعد موت الأبطال=حتى تصل للي (بـ سن) الـ رضاعه.
أقولها على الهواء وأشكي الحال=للـ واحد المعبود في كـل ساعـه.
وأرجع لـ موضوع الصور وأمـر الأرسال=وهذي رسالة عابره يا جماعه.
جتني وانا أسولف عن الحج مثقال=ومثقــال يـ خطيـة قليــل" متاعـه.
عقب الثراء .. أفلس من (الـ ولد) والمال=واصبح من أعضاء الفقر والمجاعه.
البيت (هد) وصارت آملاكه أطلال=والموج مزع في ضروسه شراعه.
غارو عليه قروش .. وكروش .. وذيال=هـدو حويشه..و قطعو لـه ذراعه.
وقدام عينه آآآآه يـ الغبن يارجال=حامو على عورات بيته (بـ قاعه)*.
نالو شرفهن غصب .. والقصب شغال=والدم سال و لايع القلب لاعــه.
ومن كثر ما سولف ومن كثر ما قال=عجزت أهدي هاجسي وندفاعه.
وجيت اكتبه قصة .. تناقلها الأجيال=حقيقـة(ن) (مـره) ولاهـي أشاعـــه.
وأرسل لكم صوره بها تضرب أمثال=صورة طفل تشرح معانـي صراعـه.
يمكن اليامن شافها طيــب الفــال=يصحـي من الغفلـه ويدرك ضياعـه.
ويطري عليه الـحشر .. و ميزان الأعمال=و ينول فزعة خالقه...والشفاعه.
صوره وحطوها مع صور الأطفال=صورة ولـد مثقال وأمـه وداعـه