مدري هي الحاجه لها الف تبرير=وإلا على قدر هوانا نحسبها
أحيان نخوه تحت اسامي واساطير=واحيان نكبه غيرنا يرتكبها
هي سيف ذو حدين من دون تفسير=يعني على ماجات ياصاح جبها
يالواسطه كان الوساطه على خير=اجر وغنيمه ترفع اللي كسبها:
لاصار ماتجلب مضره على الغير=واجب تلبي حاجة اللي طلبها
أن قلت فزعه والنوايا مغاتير=عند الكريم المقتدر تحتسبها:
لكن بعضنا عادته عاكس السير=لوكانت لغيره لنفسه كتبها
دايم تروح حقوق تسلب بتزوير=وتقلب حقايق والوساطه سببها
في مجتمع يحتاج بالوضع تنوير=ماأقول كل الناس لكن أغلبها
اللي وقف ساعات خلف الطوابير=لأجل احتفاظ بدم وجهه شربها:
واللي تناولها بيده دون تعبير=من دون لايتعب عليها سلبها:
لوهي على هدم القيم والمعايير=إن شفت فيها ميل لاتغتربها:
كل شي بسم الواسطه ينقلب غير=تحت اسم فزعه لوتجاوز أدبها:
جريمةٍ نوقع بها دون تفكير=من هو ضحيتها ومن مرتكبها
كل النوايا وارده سر في بير=اللي عدل ميزان واللي قلبها
الواردات أضعاف عند المصادير=حجه أبرهنها وحجه اشطبها
يعني أسميها مثل نافخ الكير=اللي حياته ماجنى من تعبها
دعوه ماهي لله ضياع ومخاسير=تأخذ حقوق الغير يامستجبها
الواسطه بالخير عند المقادير=اسعى لها عند الولي يحتسبها
أفعل ولاترجي وراها مداوير=ترى البخيت اللي له الله كتبها

لاصار ... ماتجلب مضره على الغير = واجب تلبي حاجة اللي طلبها

المشاركة الأصلية كتبت بواسطة فهد **ن الرويلي أخي الغالي :- علي جوفان والله أنك رائع بما تحمله الكلمة من معنى صح لسانك ... ... صح لسانك ... ... صح لسانك على هذه الرائعه يالذيب ’’’’’’’’’’........ بانتظار جديدك

الغالي
فهد **ن الرويلي
صح بدنك وسلم نبضك لايغرك ترى مانغتني عن الواسطه ياأبو**ن بس يقولون مالا يفعلون وفي كل واد يهيمون وأنا من ضمن القائمه لابد منها هذا الأيام
تحياتي وتقديري