^


^

^

يادرتي ست خلق الله=غلاك متسيد إحساسي
لاشفتك اهلين بالطلّه‏=تفترّ في داخل أنفاسي
ياما حلا القذله الهلّه=وعيون مع جرحها تواسي
والجسم موصوف بالدلّه=‏والساق مع برمته راسي
في شفّتينك دوا العلّه=ومن توتهن ينتشي كاسي
والبشره ورود مبتلّه=قصديرمخلوط بنحاسي
حُبك مؤشر ربح كلّه=لاهو بولينجر ولاتاسي
قلبي ربط طيفك بظلّه=ووقت العرا فاخر لباسي
لو الغلا يحتضن خلّه=‏ويبدّد القرب هوجاسي
تشفى بك جروح منسلّه=ويموت بيديك وسواسي
وتزين لعيونك الشَلّه=وقصيدي النادر الماسي
من دونك النفس مختلّه=يافخري وكل نوماسي
وبراغي القلب منحلّه=وقامت تدق اخطر أجراسي
يامادمحتي لي الزلّه=يوم عثرت أسبق أفراسي
ياكثر ماطحت بالملّه=لكن قويٍ ومتواسي
مبطي وانا ضد للذلّه=وقطّعتها بحدة أمواسي
ومن لامني قلت له لِلّه=ماآجوز عن لذّة نعاسي
وياقلبي ان ماانتهى قلّه=مخلوطةٍ في حجر ساسي
هيجنت ياستّ خلق الله=ونَبْتت ورودك مع انفاسي