لنا عزه باساميهم /ولكن وين/ ماتنقال=اذا خليتها تلميح عدد لي فعايلهم :
لهم فزعات للشايح عن اطراف العرب بافعال=لهم صوله بعد جوله وتمدحهم حلاليهم :
ووينك انتبه تنسى حديهم لامشى يختال=يعرََف كنه الطاووس وسط خيرة سلايلهم :
غضب ياساعة (الرولكس) وصنقلها يجيب اموال=وتكرم (كندره جلد السمك) تتبختر اقللهم :
ومع اسعار الهمر والرولز والا البورش ماتنشال=الا نادرٍ تفصليها (ليََن يفصلهم ):
نسوا امجاد من سادت لهم يوم الزمن ابطال=على ايام البطل عياد مع مريح من اولهم :
وايضاً من بعدهم جيل تعدا سطوة الأجيال=(علي عياد)( وشويبيش)( وابوالوندي) معقلهم :
نسوا كونٍ تعدا والسطر كنه هدر شلال=نسوا كون (الفري) قبل (الاشيقر) يوم نازلهم :
نسوا (ذود الشراري) يوم رده لاجلهم خيال=حميا للسميه جاب تاليهم على أولهم :
نسوا يوم (الوضيحي) ردته شيهانة الابطال=ولعََن يومه الأقشر والسبه بواسلهم :
نسوا (نيف المشوبش) يوم من صوته تطيح احمال=نسوا فعل( العميشي) يوم بقعاهم تغولهم :
نسوا فعل( السعيدي) يوم كبََل ندََهم باغلال=نسوا (مزبن دخيل) القوم ياجا عندهم سلهم :
نسوا فعل (الخضع ناصر) بوقت القاسيه فعال=بفعل وطيب فرشهم وغطاهم وكللهم :
نسوا (صياح) يامنصور ولاينسى ياكود انذال=حكيم ومبسم ن ضاحك تواضع طيب مولهم :
نسوا (خلفه) نسوا( شامان) فطوره كل راسٍ طال=بعد ماقربوا حوله/ يبعده عن عمايلهم :
(سند) يامسندي نسيوه سندهم جالهم وظلال=(وابن درزي) له الصولات ياقلت محايلهم:
وعلى ذكر الشريفي ليه نسيوا فارسٍ ياقال=لقوله تنتخي كل الكواكب مع اصايلهم
وانا لو جيت اعددهم واوصََف طيبين الفال=انا كلي فخر ان الدفاتر ماتحمََلهم
انا كلي فخر بشيوخنا(فوق القصيد) طوال=لهم منا الولا والحب ياربي تجمََلهم
لهم سطوات من فواز وودي يجمعون الحال=وحنا لاجلهم فدوه وفي شتَى محافلهم
حكيت ولاشكيت وقصدي التنويه للأجيال=ترا التاريخ يكتبهم بعالقهم وجاهلهم :
معك نمشي مع التيار نصافح ضلعنا القتال=هذولا ربعنا يالقرم وتكفا لاتجاملهم