حاذيت (كاف)* ومقصدي دار الابرار=وهبّت على قلبي رياح التباشير
القصر والنخله مع اطلال الاحرار= ودرب الخيول وعنفوان المناعير
وقلعه على راس الجبل كنّها النار=منها الصعيدي* صار شيخ المشاهير
ذكرت تاريخٍ به العز مدرار=وشربت مجدِ من فُرات المسافير
أيه روله وابدع لهم حلو الاشعار=وايحق لي يوم افتخر بالمغاوير
حرفي فداهم حولهم خط فرجار=قرناس اهدّه لاجل عين الصقاقير
من شامها لحد اليمن لين سنجار=بافعالهم سادوا على هامة الغير
فقيرهم تامَنْه بالفين قنطار= يوم النفوس اتشبّثت بالدنانير
وغنيهم كان الزمن باق بادبار= دق الكرم له بالمواقف مزامير
دقوا بسقف الطيب مليون مسمار= وهزوا قصر كسرى بوقت المعاسير
ماهي سوالف هذي أحداث ذي قار*=تشهد لهم ماهي خرافة أساطير
صديقهم يقلط على بن وبهار=ويمشون لاجله مظلمات المشاوير
واعداءهم من هيبة الذيب تحتار= ياما رجعوا منهم أذلّه مصاغير
لعيون حصه ذبّحوا شعل الامهار= يوم نْخََوَتْها جت تهزّ الدياجير
لبّا الدريعي صرخة البنت والجار=وشلفاه وفّت دينها والمخاسير
والشيخ ابن شعلان همال الامطار = له عهد منّا نتبعه بالطوابير
معه معه وقت الرخا وْوقت الامرار=نقدع غلاه ونشرب الأمر تقدير
وربعي هل العليا طويلين الاشبار=من دونهم تقصر فنون التعابير
وابلتمس منهم غزيرات الاعذار =عن قصر حرفي جيت اسوق المعاذير
حيث انهم فوق ابتكارات الافكار=بكبد الخضيرا من ورا حومة الطير
والنعم في كل القبايل والاقطار=مني لهم كل الغلا والتقادير
ودعت (كاف) ودمعي لسان ثرثار= وصابور * قلبي عذّبَتْه التحاسير