ماصحة هذة السالفة ياهل العليا:--------وهل هي من نسج الخيال؟؟؟

#1 05-06-2008, 05:50 PM


	-ماصحة هذة السالفة ياهل العليا:--------وهل هي من نسج الخيال؟؟؟ -----------------------بسم اللة الرحمن الرحيم-------------------------- هذي من السوالف المثمنه والرائعه وهي مغازي الشيخ ظليل بن شعلان على شمر انقلها كما سمعتها من احد الشيبان يقول : هذا فيه واحدن اسمه حمدان من الشلقان من سنجاره من شمر وله عيال صغار وبنت وحده وهي الكبيره واسمه "عدينه" وهذي عدينه حسب مايقولون مزيونه "موتن حمر" يمار انت ياحمدان مقاصرن الروله وعند ظليل بن شعلان وديارهم حول سكاكا وعلى اكا الديار الوكاد ان ظليل عشق عدينه وبغاه على سنةالله ورسوله حمدان دري بالسالفه يامار صحيح ان ظليل رجل كريم وشيخ مار حمدان ودوه يجوز بنته واحدن شمري ولا ودوه بالاجنبي وهو يجي اكا اليوم قال ياعيالي شدينا قالوا وين يبه قال لشمر >>> شطحه صغيره"اليامار اكا السنه الديار محل والربيع مقلول واكثر شمر متجمعه حول بعضهم ونزلهم واحد هذا يامنك جيت من الشمال ووجهك حروة حايل ودياره اول ماتطب على نزل سنجاره وتجيك عقبه بيوت عبده والاسلم ماهي بعيده وعلى هالون متجمعين حول المنطقه الي به الربيع">>> عدنا الوكاد يوم جاء الصبح وهو يشدّ حمدان وعياله والظاهر ان طليل مادري ماامداهم ينتصفون من الطريق يامار هذي الخياله لاحقتهم وهو ياخذ الدربيل حمدان ويدربل يامار هذا ظليل ومعه "المليّك" الي بي يجوزهم ومعه فريس من الروله قال حمدان عيالي هذا ظليل لحقنا ويبي اختكم وانا والله ماهربن الا اني مابي تزويجوه وهذا هو جانا حنا نجوزوه ولا بكم حيل تهوشون دون اختكم يمار حمدان شايب هو وعياله الصغار وبلشوا قالت عدينه: يبه مابيكم تذبحون انت واخواني بسبتي مار ياوصلنا جوزن ياوه كح كح كح كح >>>> هذ الشايب الي يسولف يكح الوكاد ماخذوا شوي الا وظليل لاحقهم وهم يجوزونه وظليل وعدينه ينكسون للروله وحمدان بوجهوه لشمر مرت السنيين يمار ظليل مانسي هربت حمدان ونوى يرده لوه قال ياعدينه قالت هاه قال ولمي الزهاب قالت وش عندك قال انه الله اشى الا اخلي نياق ابوتس تبرتس عندتس>>>يعني يبي يغزيهم قالت ياظليل يوم ابوي عندك وانت تقدر عليه وهاللحين شمر كله من دونوه قال ولمي الزهابوهو يمشي يامار دليلتوه بالمغزى "شريف بن خنجر" وهذ شريف من الفلته من الروله والفلته بالاصل يرجعون للغفيله وهم معترفين بهالشي لكنهم من جدهم وهم يمشون مع الروله قال شريف بن خنجر وين مغزاك ياظليل قال ظليل الى بوجهي ابي اخذه وهم يمشون وعندك وعندك يمار توجهو لسنجاره قال شريف ياظليل اشوف مغزاك على سنجاره قال ظليل اي نعم نبي سنجاره والي قريب من شمر قال شريف ياظليل انت تدري ان اول من يواجهك من بيوت سنجاره بيوت الغفيله ولاني والله غازي بك على ربعي قال ظليل انا غزاي على سنجاره وانت بكيفك وهو يحرف الفرس انت ياشريف ويتبعونه ربعه وينكفون عن الغزو يوم طبق ظليل على سنجاره اليامار سنجاره تدري بوه وهم يتكامشون وعندك وعندك وهو ينكسر ظليل والروله وتوخذ فرسه وياخذونهم سنجاره باكا المغزى اخذهٍ جيده وهو ينكس ظليل لعدينه مفلس >>>> اوجعني اصابعي تليشت مرت الشهور وهو يجي ظليل يم عدينه قال ياعدينه ولمي الزهاب قالت وش عندك بعد قال ان الله اشى الا اخلي نياق ابوتس تبرتس عندتس قالت اخاف مثل مغزاك الاول قال ولمي الزهاب بس وهو يغزاهم هالمره مادريوا شمر يوم طبق يامار هذا حلال اكثر سنجاره وهو ياخذوه ويقفي وهو يجي على اثره "غدير المورك" من الجرذان من الغفيله يامار بس المراح وهو يلحقهم يحسبن عددهم قليل يوم نط الجذيبه يامار هالخيول يامار الروله على كبة ابوه يامارماهو حولهم وهو يتذكر ان هناك عربان من شمر على طريق ظليل وهو يفزع يبي ينذرهم وهو يبرالهم ويقطع شعيب الشيحيه يامار هذي الزميل وشيخهم بايق بن ثنيان قال يابايق افزع الحلال وخذ قال بايق منهو الي خذاه قال غدير ظليل بن شعلان قال بايق على طريقه احد من شمر قال عدير على طريقه خزعل المعكلي وعربان من الغفيله ومن سنجاره ووراهم بيوت من عبده قال بايق اينا اقرب لهم حنا ولا هو قال غدير حنا اقرب قال بايق افزع لهم وانذرهم وهذا حنا على اثرك يوم وصلوا هناك وعلموا شمر الي واجهوا وهم يتجمعون يتحرون ظليل يامار ماجاهم قالوا شمر ظليل ماهو جاينا واكتفى بالي هو خذا مار خلونا نلحقه يامار معاهم خزعل>>> وخزعل من المعاكله من الجرذان من الغفيله وهو عقيد قوم ورجل شجاع لكن اكثر ماشتهر بوه الدلاله هو دليلة عبيد بن رشيد يوم هو يغزي على بن مرشد من شيوخ عنزه على حدود العراق قال خزعل ياغدير يوم ظليل يتوجه لربعه وشو ممشاوه قال غدير مطلع شمس قال خزعل مشينا وطول ماهم بالطريق نوبن يقول خزعل استريحوا ونوبن يقول شدوا على هالحاله يوم جاء من باكر قال خزعل استريحوا ياشمر وتدفوا ترو يامن طلعة الشمس ونطيتوا راس اكا الحزم تبون تواجهون انتم وياهم يوم جاء من باكر ونطوا الحزم يامار على قولته وهم يتكامشون هم والروله وهاته واجدع عباته ....وهاته واجدع عباته....وهاته واجدع عباته وهم ينكسرون الروله وينكسر ظليل وتوخذ فرسه مرتن ثانيه من حدره وهو ينحاش ظليل حافي ولامعوه الا عبدوه يوم جاء بنص هالطريق وهن يجلسن رجلي ظليل يصبن دم وهو يشيله العبد على ظهره ياما نزلوه عند عدينه يوم شافت عدينه حالته وهي تجلس تلولش قالت: عفيه بني عمي " عاد يقولون انه طلقه عقب هالكلمه والله اعلم" --------------------------والسلام عليكم--------------------------------منقول1/5-29

05-06-2008, 10:11 PM

عندي لك نصيحه اخوي عارف حتى تريح نفسك وهي عدم دخول منتديات القبائل الاخرى
الا ضيف ولك منها الخطوط العريضه

والسبب يعود الى مانقوله ونكرره دائما ان في هذا الزمان كثرت الشيوخ والابطال ولكن
من العهد القديم والجميع يفاخر بماض اصبح يحيكه هو والماضي براء منا ومن زماننا

بالنسبه لظليل الشعلان في هذه القصه هو امير حرب ويقود جيش للغزو حسب ماقرأناه
وفي تسلسل امراء الشعلان لم يكن هناك اسم ظليل واذا سلمنا ان هذا الاسم قديم جدا
فمن اين جاءت كلمة :
(وهو ياخذ الدربيل حمدان ويدربل يامار هذا ظليل ومعه "المليّك" الي بي يجوزهم)

سأكتفي بقولي ن هذه القصه لا ترقى الى ان تكون من حقائق ماحدث بين شمر والروله
بدليل ان صاحب الدربيل عرف المليك والشهود

ارجوا ان تعي عقولنا ما تقراءه عيوننا

05-07-2008, 12:23 AM

اخوي عارف

تراي نصيحه اخونا متعب صحيحه والايصح الا صحيح

والك تحياتي

05-07-2008, 12:32 AM

؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

05-07-2008, 12:42 AM

شمر قبيلة عريقة لها تاريخها وكيانها وثقلها

لكن في هذا المقال لااستطع ان اقول سوى

لاحول ولا قوة الا بالله

هذا الكلام فيه تدليس وتزوير وغير مقبول وكما قال الاخ مرشد انا لم اسمع باسم ظليل نهائيا
وكتابة تاريخنا باسرع وقت هو السبيل لقطع دابر مثل هؤلاء

ويجب ترك المجاملات في كتابة التاريخ لان التارييخ مابه مجاملات والله اذا ماصفقتوهم بالتاريخ الحقيقي غير تشوفون اكبر واشنع من هالحكي

وتذكرو كلام الكاشف مع الوقت راح يصبح كلامهم صحيح اذا ماتم الرد

شكرا لك عارف شعيل على الغيره الواضحه على القبيله

05-07-2008, 05:54 AM

الاخ مرشد بارك اللة فيك على ماذكرتة وشكرا على النصيحة واعتبرها وسام منك وللاخوة جميعا

أدوات الموضوع	إبحث في الموضوع
مشاهدة صفحة طباعة الموضوع أرسل هذا الموضوع إلى صديق	إبحث في الموضوع: البحث المتقدم
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

الإهداءات