عزّ وشموخ وفزعه رويليه =وتآخيٍ بين الجمر والميّه
منشيت مطبوعٍ على جبهتنا=من منتدانا وردةٍ جوريّه
هو ملتقى الفكر وغزير المعنى=ونفسي بحب المنتدى مبليّه
فيه الرجال اللي تهزّ العالم=مع سيّدات العز والحنيّه
حبيت إشرافه على أعضائه=وادارته كبدي لها مشريّه
نفسي اسمّي كل شخصٍ باسمه=لولاي أخاف الثورة الشعبيه
اخشى شياطين الفكر تخذلني=ويقتلني النسيان بالشبريّه
وابختصرها كلكم في روحي= واللي مهو بالقلب في عينيّه
يسري غلاكم مع دماء عروقي=واعضّ بالناجذ واشد ايديّه
هالمنتدى سيطر على أحساسي=ونوّخ غلاه بنفسي المبريّه
يكفيني اسمه لانطقت حروفه=يرقص لي العز وتطيب الجيّه
تاريخنا وموروثنا وضيافه=وتواصل ومساحةٍ شعريّه
واثرى الادب واثمر بصدق القصه=واحيا عروق الفكره المنسيّه
ابداع متواصل على ارجائه=وتكافل وطيبه تجي عفويّه
رشيت في دربه رحيق اقلامي=واثمد غلاي بعينه السحريّه
تزرعني الفرحة بطهر اترابه=وتسقي نخيلي عينه الممليّه
يفداه راع السوّ واهل النمه=وسوالفٍ فيها طعم طاقيّه
إدارته حازت وسام الحكمة=بالمرجله والخلطه السريّه
سعوا لقمة مجدنا والغايه=وحلوى النجاح بفعلهم مطليّه
والله يوفق من سعا لانجاحه=ويجزاه ربي سكةٍ مضويّه

المشاركة الأصلية كتبت بواسطة عارف الشعيل يكفينـي اسـمـه لانطـقـت حـروفـه يرقـص لـي العـز وتطيـب الجـيّـه تاريـخـنـا ومـوروثـنـا وضـيـافــه وتــواصــل ومـسـاحــةٍ شـعـريّــه واثرى الادب واثمر بصدق القصه واحيـا عــروق الفـكـره المنسـيّـه ابــداع متـواصـل عـلــى ارجـائــه وتكـافـل وطيـبـه تـجــي عـفـويّـه رشيـت فـي دربـه رحيـق اقـلامـي واثـمـد غــلاي بعيـنـه السـحـريّـه تزرعنـي الفـرحـة بطـهـر اتـرابـه وتسـقـي نخيـلـي عيـنـه المملـيّـه يـفـداه راع الـسـوّ واهـــل الـنـمـه وسـوالــفٍ فـيـهـا طـعــم طـاقـيّــه إدارتــه حــازت وســـام الحـكـمـة بالمـرجـلـه والـخـلـطـه الـسـريّــه سـعــوا لـقـمـة مـجـدنـا والـغـايـه وحلـوى النجـاح بفعلـهـم مطلـيّـه والله يـوفـق مــن سـعـا لانجـاحـه ويـجــزاه ربـــي سـكــةٍ مـضـويّـه ----------------------- الاخ المبدع مليح بن عياف ---صح لسانك واجت من غرايب الابداع فشكر للرومنسية الرويلية فيك انت تحفة في معانيك ومقصودك للة درك يابن عمي وعصبة الراس يارويلي انثر عبق شعرك

المشاركة الأصلية كتبت بواسطة سيّدَة الْلاَزوُردْ صح لسَانك .. وشُكراً حَتّى توفيك ..! قصيدَة يفخر و يتباهى بها المنتدى .. مو غريبة عليك الروعَة شاعرنا المُبدع .. يـ ع ـطيك ألفـ عَ ـافيَة .. دائماً أغلب فِي الثناء عليك .. ـــــــــــــــــــــــــــــــــــــــــــــ