لا حول . لا قوه . ولا حرف وكتاب = لا حلم . لا هقوه . ولا ناس غالين
لا ذوق . لا معنى . ولا عشق وأحباب = يستاهل اللي فات والحاضر الشين
الله كريم وكل موقف له أسباب = الخير وآجد والنشاما كثيرين
قبلك أنا عانيت من ظلم الاصحاب = الدمع فاض وغاض دم الشرايين
أغلاهم اللي في عيوني ولا غاب = يوم أنها ضاقت بي الخطوه سنين
ماجيتهم شاري ولا جيت جلاّب = يقطع كفوفٍ مابها للعسر لين
مأبي لاحد مـنــّـه ولابي لاحد ناب = لعيونهم كان النشاما عزيزين
جيت الحبيب اللي يبي عطر الاحباب = أبي الغلا الملح والظل والزين
وجيت الغريب اللي طوى عهد الاغراب = وجيت القريب اللي أربوعه حشيمين
بعض الخواطر وأن حسبنا لها حساب = نفرش لها الواجب وظل القوانين
بين البحر والبر والريح والباب = مابه أمان يحطم اليأس والبين
العين تنخاني على طرد الأسباب = والقلب ضايق والمواجع براكين
يوم أتذكّر وش كثر خاطري طاب = يوم أتهجا وش تقول العناوين
كل الوجيه الوافيه صارت أجناب = عجزت أفرّق بينهم حد الأثنين
هذا أنا مابين صادق وكذاب = تعبت أعاني غربة الخاطر الزين
لو تدعي وأنا أدعي غدر الاصحاب = مابه دليل ولاعليهم براهين

)
(

المشاركة الأصلية كتبت بواسطة منصور الرويلي تلبس الفكرة حروفي وأقنص المعنى وأصيده=وأتسع رسم الدوائر ليـن صـارت لولبيـه لعبتي والفن فني ؟ ولعبتـي دائـم فريـده=تنفرد بجنون شعري لين تصبـح سامريـه ماحسبت حساب غيري لو فعل ضدي مكيده=أصدح بصوتي وأغني في شموخ وعنجهيه واثق الخطوة مليكٍ مـادرى بغايـة عبيـده=تصغر بعين الاكابـر مـن بلاويـه البلّيـه وأكتبي هالحرف معنى بس لا كــّرر وأعيده = القمر غير الكواكب والكدش غير العــّبـيـه ) (