لا ثارت الهيجا وحجب نورها ليل = اليا اظلمت عيني تذكرت منصور
عون الخوي لاشاف من وقته الميل = عز الرفيق اللي شكاله من الجور
ليثن ليا شد الزمن يكرب الحيل = حرن وبعلوم الكرم كاسبن دور
صميدعن اليا انتخى يتعب الخيل = عزومه قويه وكلمته مابها زور
مايقول الا الصدق ولا يتبع القيل = دايم طموحه فوق ماينزل حدور
راعي مواجيبن يحل الحلاحيل = من جاه باله ضايقٍ راح مسرور
واليوم انا برفع له الصوت واشيل = بابيات شعرن ماحتوت زيف وقصور
واقول يابليهان ياشاعر الجيل = لو بار كل الناس الا انت ماتبور
همن غزاني يلعب طرب بالمواويل = همن غزاني دون شرعن ودستور
لي صاحبن يرسل علــّيه مراسيل = يقول دمعه فوق الاوجان منثور
يشكي من هموم الزمن والغرابيل = شمعة حياته انطفا عنها النور
رجلن يابو نايف ويسوى رجاجيل = له هدة القرناس ياخوك مسطور
يوم انها ضاقت وشفت البهاذيل = رجع لي البسمه وانا كنت مقهور
تكفى نخيتك نخوة رويل لرويل = دخيلهم مايضام لو اعداه طابور