(هذي عوايد نصرنا يرفع الراس=اليا بغا له شي لازم ينوله)
العالمي للمجد بيرق ونبراس=بالفن والخبره وعزم الرجوله
بالخاصره طعنه كما موس كبّاس=وشيّب عقولٍ في غلاه مهبوله
دكّ الزعيق وذوّقه حبس الانفاس=واللي مكذّبني يطالع فعوله
(ريّان) جاهم مندفع تقل نسناس=رجله على هزّ (الدعيع) عجوله
اذا انطلق صاب المساكين وسواس=يمرّ منهم باختصار وسهوله
خلاّ الدعيّع داخل القول يحتاس=تراجفن رجليه 000ضيّع نعوله
وإلا الخواجه صابته دوخة الراس= ومااظن يفلح من قنص في خبوله
ماله جدا الا يضرب اخماس باسداس=ذاق القهر من عزم وَلْدْ الحموله
هذا النصر لاحان دقّات الاجراس=ماينهزم لاشاف كاس البطوله
من هيبته غيره جنى مرّ الافلاس=لاشاف فارس نجد طاحت خيوله
حب النصر بالقلب لابسني لباس= غطا على حب العيون الخجوله
مبرووك ماتكفي على وصف الاحساس= ماعاد عندي شي ودّي اقوله