أنتي بعيني غير عن كل هالجيل = ياعـزوتي يارأس مال الكرامه
وبحق من نــّـزل تبارك والانجيل = أنك بقلبي لين يوم القيامه
تبكي عيوني كل ماقـــّرب الليل = على الخيال اللي غشاني غمامه
أي والله أني منفتن واعشقك حيل = وان لعـذابك في ضميري علامه
البوح منك وفيك يانجمة سهيل = باقصى الخفوق اللي ذبحني هيامه
لو أني أدري وش تجيب المقابيل = فليتها لك داخل الصدر خامه
وأكتب على صفحاتها البيض تحليل = عن الشقا عن السهر والندامه
عن درب عمري والغلا والغرابيل = عن السلام اللي بعيني حمامه
مدري جفا والا عقوبه وتنكيل = والا حروفي قاصره عن مقامه
أنبــِـْح صوتي والعنا يتبعه ويل = لاقصى الشمال اللي سِكن في تهامه
من الساحل الشرقي الى مصر والنيل = صار اليمن مركاه والشام شامه
بنات فكري مقفيات ومقابيل = ياحلمي اللي ماتحقق مرامه
نهضت لكن طحت وسط المحابيل = حسبي على بعض العرب واحترامه
صـّـدقت قلبه يوم يهدي مراسيل = وانا الِغبي اللي يصـّـدق كلامه
ياملح كل السالفه والتعاليل = ياقريةٍ بالجمع مثل أبتسامه
خاف الولي يكفي عناد وبهاذيل = يكفي حرْمِت الطرف لذة منامه
عطني مثل ماعطيك لا ينقص الكيل = أما أوفني والا عليك الملامه