^


^

^

ضاقت حروف القصيده واكتست ثوب الحداد=وأعتصر هم القوافي بعد ماذاب الحديد
قمت أشايع للمعاني وابدع حروفٍ جداد=وأنتخي بعيال فكري وانتظر منها الجديد
قمت أحايلها بلطفي واحتضنها بالوداد=وارتجيها تبتكرني بعد ماجف الوريد
قالت أعلنت أعتزالي واكتساني أضطهاد=يوم راح الشايب اللي كان من جنسه فريد
وآترجى في حروفي يعلنن الأنقياد=يسعفني أرثي اللي راح في دربٍ بعيد
يايبه بعدك جفوني عافهن حلو الرقاد=من رحلت وكل مجد من عقب موتك بليد
ياماجفني في كنفك وفي حماية يدك ناد=وياما خدي من حنانك استزاد ويستزيد
يايبه سكر حنينك ذقته بسن المهاد=واندفن بعروق قلبٍ من صفاتك مستفيد
ياشموخٍ رغم فقره أغتنى بذاته وساد=واشهد أنه في عروش القلب عندي سيد سيد
من رحل وطريف وجهه شاحبٍ مثل الرماد=تبكي الريشه وتنعى للحفر أغلى فقيد
كل شريانٍ بفقدك ضاقت أحلامه وباد=وكل شبرٍ من ضلوعي لك بجوفه ألف ميد
رحت يارمز الرجوله رحت ياأغلى العباد=رحت لكن كل خصله من صفاتك لي رصيد
ياكبر هاك الفراغ اللي تركته بالفؤاد=وياصغر هاك الفضا اللي كان بوجودك مديد
قلبٍ أجتاح البياض ولا تعفر بالسواد=ينبض بحب القريب ويحمل هموم البعيد
يايبه من ثقل همي صرت أهيم بكل واد=وانقض جروحٍ سطت بي وآتعزوى بالقصيد
يايبه باصبر واباصبر وانتظر يوم التناد=عل ربي في جنانه يجمعن بك من جديد
حكمة الله في عباده قدر وشاء وأراد=بالقضا نؤمن ولله مايشاء ومايريد

المشاركة الأصلية كتبت بواسطة حربي ثويني عظم الله اجرك واحسن لك العزاء وقصيدتك ليست رائعه فحسب وانما تهزالجبال من شدت الوفاء الذي يحتويها وتعانق الوجدان من طيب راعيها،،،مليح عياف الرويلي هرم شعري لا يشق لك غبار وهذا بعض ما عندك وتبقى مبدعا اينما اتجهت يابوعياف