المشاركة الأصلية كتبت بواسطة صالح محترك الرويلي القصيد اللي قصر عن مدح ربعي ما أبيه وش قصدي دام أنا قصرت في مدح الروله إركضي لي يا القوافي وإكتبي ما نشتهيه وبابك المغلق كسرته وحالف غير أدخله يا قصيدي رتب الكلمة قبل فكري يتيه وعطني اجزال المعاني وخل عنك المهزله ارسم الصورة الجميله واكتب الحرف الوجيه واحبك حروف القصيدة والشعر فيهم قله هم هل العليا ربوعي ومن سألني قلت إيه إيه انا رويلي وابن وايل رفيع المنزله واعذروني ياجماعة كان أنا قصرت فيه مدحكم واجب عليه وعيب يالربع اجهله السلام عليكم ورحمة الله وبركاته اخواني وابناء قبيلتي وعزوتي جئت اليكم رغماً عني فالانترنت لا يستهوني ولكن حبي لكم هو ماحداني ان اتي لكم بعد ان كنت من ضمن المشاهدين واعدكم بكل جديد بإذن الله اخوكم / صالح محترك ابوصلعى العليمي الرويلي

يامنتدانا منتدى أحفاد الابطال = اللي لهم بالمجد موقع وراية
انتم على ماقيل يوم المثل قال = ما مات من خلف وهذا رجاية
رجالكم يغني عن الفين رجال = لانه سليل المجد والمجد غاية
والمنتدى صوره لنا بكل الاحوال = وانتم لنا ولربوعنا كـ المراية
وحروفكم تحفظ على مر الاجيال = وكتابة التاريخ صدق ودراية
وترى النصيحه ماتثمن بالاموال = والعز فيكم مابكم شخص تاية
شاعر وانا في لابتي جيت ابختال = وله الشرف شعري انكتب بخوياية
الابة اللي مابهم خبث وخبال = هم مبتدانا والخبر والنهاية
الطيب فيهم حي يبقى ولا زال = متوارثينة وماسكين الوصاية
وحياة من نزل تبارك والانفال = ان عزكم عزي وبلاكم بلاية
انا رويلي طيب الساس والفال = والجد وايل والنسب به كفاية
جيت اتقهوا العز والعز فنجال = وانتم فناجيل الضحى مع مساية
وشماغنا ماينلبس ناقص عقال = وانتم عقالي يابعد كل باية
نخيتكم تكفون صبرن بنا طال = اقولها شرهان ماهي زراية
نبي نلم الشمل باقوال وافعال = ونبي لنا منبر وحفل دعاية
جمعة تعارف يالربع تشرح البال = نبي لنا ساسن يرز البناية
وجددت فكره ونظرتي كلها اجلال = لاهل الوفا بالمنهتى والبداية
وصلاة ربي عد ماطش همال = على رسول الله راعي الهداية