جيتي وجبتي الذكريات القديمه = ومع جـيـّـتك ياما تذكرت الاحوال
أيام كانت من نديم .. لنديمه = الجو صافي وليلنا بيننا طال
يوم الوفا يمطر من الشعر ديمه = سحـبً تــرّزم بالسماء والوطا سال
الروض مخضر والمعاني عديمه = شوفه يسر البال يامنوة البال
والكل منا قال : الله يديمه = لكن صحيح أن كل مازان رحال
اليوم ضـّـلل في سما الجو غيمه = غيمة جفا .. غيمة غلا .. غيمة أقبال
ولاح بسما جو القلوب الرحيمه = وحل الجفا بقلوبنا عقب الاوصال
لكن وربي وأفـهـمي ياكـريمه = أن لك مكانٍ ماوصّـله كل رجال
مكانتك بالنفس جداً عـظـيـمـه = وأعـظـم كثير من القصايد والامثال
أنتي بروحي ساكنه مستديمه = منساكِ لو بـُعـْدك عّـلي الدهر مال
أنا عرفتك يا العظيمه حليمه = ياما تحملتي عـظـيمات الاهـوال
وتأكدي أهل النوايا اللئيمه = اللي مع العالم يسمون عـذآل
أقسم بربي وأفهمي يافهيمه = هم السبب بـفـراقـنـا بكل الاحوال