يا مرحبا يا راعي الجود والطيب=يا راعي الطولات رمز الحميه
في دار أخو مريم لك اليوم ترحيب=ترحيب وافي من قلوب (ن) وفيه
أهلاً هلا بالشيخ نسل الأشانيب=يحميك ربي من شرور الأذيه
مدري وش اكتب ولا من وين باجيب=وصف (ن) عجزت إني أبجيب زيه
وصفي يقول إنك كما وايل كليب=ربعك لهم بالمجد روحه وجيه
برجس غدير الموت طاريه توجيب=من راس قوم (ن) ماتهاب المنيه
دهامشه وقت اللقا والتناديب=عدوهم مدحور صبح وعشيه
حنـا لكم مافيه شك (ن) ولا ريب=حنا الحميّه يارجال الحميّه
اسلى ليا من شفت راع المواجيب=واقدح ليا من شفت لي نـار حيه
يالكاسر الصنديد يالقرم ياذيب=نرقص طرب بالدحه الوايليه
حمد معزبنـا وحنـا معازيب=وأنت المعزب يازبون الونيه
قاله رويلي يحكّم القول ويصيب=لا خير باللي ما براسه حميه

دمتم بود ..

أخوكم / محمد العراده ..

المشاركة الأصلية كتبت بواسطة المهرب صح لسانك اخوي محمد

المشاركة الأصلية كتبت بواسطة سالفة عشاق صح لسانك وسلم بنانك واعتلا شانك أخوي تقبل مروري اختك سالفة عشاق