ياحـدود وبالحــلا مالـك حـدود=وين أبهرب منـك فينـي يابْعـدي
كل ماهب الشعر .. لك فاح عـود=وكل ماجيت أنتهي فيـك أبتـدي
أنتي أجمل من سكن هذا الوجـود=وأنتي أغلا من تسبّـب بْجِهـدي
الليالي يالعيون السـود .. سـود=تشبـه أحـلامٍ تجيبـك وتْـغِـدي
القمـر والليـل ونجومـه شهـود=أني أسهر فيـكِ حتـى بْمرقـدي
جيت عنـدي أسئلـه تبغـى ردود=يانظر عيني ترى طـال أسِهـدي
أسألك بالله وش معنى الصـدود=لاغدى موتي يسـاوي مِْولـدي
دام حتى النقص صار اليـوم زود=ما ألومـك لانسيتـي مْـوعـدي
ياسحابـه مزنهـا دايـم يـجـود=كيف أبروى والثرى خان أِْبـردي
ياأول حدود الوفـا وآخـر حـدود=لو يغيب سهيل وش ذنب الْجـدي
جيت شاعر ضايقٍ فيـه الوجـود=جيت أكّحْل فيـكِ عينـي ْبِرمـدي
جيت أبقطف لك من أغصانك ورود=جيت أظلك تحـت ظلـك وأهتـدي
يحرسك ربي من عيون الحسـود=ولعي نـارك بصـدري وأِْرقـدي
داخلي صيحه كما صيحة ثمـود=ورث من جدي وأبعطيـه أْوِلـدي
والله أني مانـي أنسـانٍ جحـود=لكن همومي حدتنـي لـك حِْـدي
وياحدود المسأله ماهي حـدود ؟=البلا لاضعتي وأنتـي فـي ْيـدي

شدني للشعر هاجس وأبتدى نظم القصيده = ثورة الشاعر قصيدة بالحروف الابجديه
لابغيت أكتب لقيته داخلي ماهي بعيده = ترتسم قدام عيني في غرور ونرجسيه
كنها يوم أحتوتني سيــّـدة وأصبحت سيده = همسها بوح المشاعر وأغـمرتـني شاعريه
قلت وهي تآمر علية وش بغيتي ياعنيده = قالت حروف القوافي ؟ قلت خوذيها نديه
أكتبي هالحرف معنى بس لا كــّرر وأعيده = وآقلب المعنى عليكِ ؟ وردة أفعالي قويه
قالت آمرني تدلل صرت بوجودك سعيده = لا تهدد لا توعـّـد كسرة الخاطر خطيه
وأنشرح صدر القصايد وجتني الفكرة وأجيده = يحبكة واسع خيالي لين تصبح دائريه
تلبس الفكرة حروفي وأقنص المعنى وأصيده = وأتسع رسم الدوائر لين صارت لولبـيـه
لعبتي ؟ والفن فني ؟ ولعبتي دائم فريده = تنفرد بجنون شعري لين تصبح سامريه
ماحسبت حساب غيري لو فعل ضدي مكيده = أصدح بصوتي وأغني في شموخ وعنجهيه
واثق الخطوة مليكٍ مادرى بغاية عبيده = تصغر بعين الاكابر من بلاويه الـبـلــّـيه
هي كذا يوم أسئـلـتـني تـنـتـظـر علمٍ تريده ؟= القمر غير الكواكب والكدش غير العــّبـيـه

ماحسبت حساب غيري لو فعل ضدي مكيده = أصدح بصوتي وأغني في شموخ وعنجهيه
واثق الخطوة مليكٍ مادرى بغاية عبيده = تصغر بعين الاكابر من بلاويه الـبـلــّـيه