شوف الحزن وشْلون بعيون الأطفال=بعيون طفـْل وفاقـدٍ شوفـة أمّـه
امّه خذاها المـوت ياحالتـه حـال=وهو عامه السّـادس بعـد ماأتمّـه
يشْهق ودمْعه من على وجْنته سـال=ويْمسح دموع الحزن بيـده وكمّـه
لحْظة خذوها بالّنعش صاح وإجْتـال=يصيح باعْلى الصّوت يمّـه ويمّـه
يقول أمّـي رايحـه ويـن ياخـال=وخاله تهّرب من سؤالـه وضمّـه
طفل وتحمّل فوق مقْدوره أحْمـال=وشْ عرّفـه بالهـم ياكبـر همّـه
مايدْري إن الموت قصّاف الآجـال=سنّة إلـه الكـون فـي كـل أمّـه