ياغامضه بحر الصبر فاض غيضه=صريح والتلميح متعب ولافاد
عجز وضوحي يلتمس منك عيضه=ماكني الواضح على روس الأشهاد
متى وانا بين النقيض ونقيضه=أعطي حلول وينقلب ضد وأضداد
عدت سنين العمر سوده وبيضه=نفس العطش لاجيت صادر و.وراد
السالفه ماهي علينا فريضه=نبقى ضحيه بين طارق وجلاد
قولي الصراحه بالخطوط العريضه=بوحي ولايهمك من الناس نقاد
يمكن ركود شعورنا نستهيضه=ونحرك الساكن ونفهم من الجاد
الصمت متعب والتجاهل غميضه=وبعض السوالف لانظرنا لها ابعاد
لي الشقا وانتي بعمرك حظيظه=مامكسبي غير التوجد والاسهاد
هم أبعدوك أهل القلوب الغليضه=وإلا دلع تعوده قلب معتاد
كوني على سر المحبه حفيظه=لا ينقتل حب البراءه بالامهاد
بعض السحاب أقبل وبارق وميضه=ان مانزل ديمه على الارض مافاد
يعني سحاب الصيف مافاد قيضه=يقبل ويقفي ماجنا منه حصاد
يالله عسى آخر صبرنا منه عيضه=نكسر جدار الصمت والوصل ينعاد

المشاركة الأصلية كتبت بواسطة المحجان صح لسانك اخوي علي .. وعساك على القوة والتميز ..