على راسي تناظرني تبسّم لي تصدّ بساع=ولكن تبتعد عنّي تراك تزيد أوجاعي
ألا ياأعذب من النسمه ألا ياأبو عيون وساع=ترى قلبي غدى مركب أمانه حن ياشراعي
غدى مركب من الأشواق به أشواق الحشى أنواع=جمع لك شوقي الصادق مشى لك شعر ٍ أبداعي
مشى يسابق لخطواته تقل يمشي على هالقاع=نسى الأحزان لعيونك تقل ماكان ملتاعي
قبل زي الهوا صدفه بعد زي الهوا أقناع=عيونك ضحكتك كلك بها التأكيد وأقناعي
دخيل الله وبعد الله دخيل المبسم الشعّاع=دخيل الشوق ليا منّه طرى واللهفة الساعي
دخيل البسمه الحلوة لو أنّه شافها الذعذاع=لك الله عاف نسماته وردد مالهن داعي
دخيل المشي والوقفه غزال من العرب مرتاع=دخيل الرمش والنظرة تقل نايم تقل واعي
وهبك الله حلا غادق من المظهر إلى الأطباع=وصوفك من قليل الزين لك الله صارت جياعي
وانا ماجيتك اتسلا أقيس المتر قيس ذراع=ترى ماجابني الا حنين يزاحم أضلاعي
ألا ياصغيّر بسنّك ترى البسمه بصدّ بساع=تزيد أوجاع قلبي أوجاع تعال وشتّت أوجاعي