اصطبحتي في عروقي لين ماامسيتي جراح=لونزفتك غصب عني ماعلى المجروح حيف
ماتت الدمعة بعيني همها بالقلب لاح= مثل ماماتت نسايم في سعاير شمس صيف
ومايهمك من يعاني ومن عذابك مااستراح=ماذكرتي لو دقايق كل عمر وله خريف
ومايهمك من ضما حبك يحسب إنه قراح=حال من ناحت عيونه منظلم ماله نصيف
مارحمتيني وأنا اللي جازى غلطاتك سماح=بالنهاية كنت وحدي من يعيش الحلم طيف
والهموم بكل لحظة تنذر القلب اجتياح=آآه من ظلم الليالي لا غدى حظك كفيف
والله إني من عرفتك صار جرحي مستباح=سلم الله كبريائي صان دمعات الشريف
ليه أنا من دون غيري وقته بخافيه باح=ليه أنا من غير شوفك كل مابالعين زيف
ليه صدري لا ذكرتك ضاق من عقب انشراح=ليه ترخص لك دموعي كنها وبل ٍ بريف
سامحك ربي بجرحي كثر ماأخطيتي سماح=لو نزفتك غصب عني ماعلى المجروح حيف

المشاركة الأصلية كتبت بواسطة مانع الوهــــــــــيف الشاعر العذب شعلاني يا هلا انت اسماً على مسمى هنا العذوبه اتت بكامل حلتها وزينتها بارك الله فيك على هذا النزف ايها العذب لا اعلم ماذا اقول لك فكل رد احسه لا يوفي هذه الشامخه حقها لكن هنا اقف اعجاباً واحتراماً لنزفك وفقك الله تقبل الود والتحيه اخوك / مانع الوهـــــــــــــيف .

المشاركة الأصلية كتبت بواسطة المعاني مشاكل / صح لسانك أخوي "الشاعر العذب شعلاني" صح لسانك مليووووون ولايوفون عز الله أنها قصيده رائعه جداً جداً كلها عذوبه في عذوبه تقبل مروري المتواضع وجميع أنواع الود والأحترام والتقدير والأعجاب بــاقة ورد /

المشاركة الأصلية كتبت بواسطة نايف محمد الرويلي الشاعر العذب شعلاني صح الله لسانك نزف جديد ورائع نتمنى ان لايقف هذا الجرح عند هذا الخريف وان يقفز إلى الربيع ان شاء الله دمت بخير