فوق ابيض القرطاس حبر القلم سال=يسّطر معاني ماحداً ينتقدها
من فيض فكري صغت قافي بالامثال=من هاجس ٍ جزل المعاني رصدها
اصوغها صوغا ً على كل منوال=مرسّي قواعدها ورافع عمدها
ابيات شعراً برقها يشعل اشعال=جزل المعاني والقوافي رعدها
بيني وبينك حرب الارهاب شغال=كلاً يجهز قوته ويحشدها
جهز سلاحك جهز الجيش بالحال=بجيك بجيوشاً صعيب ٍ عددها
لاهدها عليك من الجال للجال=واسقيك مرا ً بعد حالي شهدها
وتضل صاغر بالنظر ماانت رجال=وتبقى حياتك بين هم ونكدها
ولحط بك كلمه من الصعب تنزال=كلمه وكل الناس غير تعتمدها
اسما ً يخلد لك على مر الأجيال=تناقله شيابها مع ولدها