كتبت القصيده باحرف اللول والمرجان=وموضوعها ترجم نتيجة معاركها
طلبت الولي في وفرة العفو والغفران=قلوب العرب للعفو إنه يحرّكها
انا أشره على رجالٍ غدو للكرم نيشان=طنايا اذا ضاقت تشوش وتفكفكها
وانا ادخل على عيالك وربعك ياابن رمان=وكلمة عفو تكفى على الأذن حرّكها
(عفو عند قدره )يعجب الخالق الرحمان=نبي رحمته في جوف صدرك تبرّكها
ترى العتق ظلٍ من مصيبه ومن نيران=وقايه من النار ووعورة مسالكها
دخيلك من اهمومي بكى السجن والسجان=واصابع جنوني بس اهوجس وافرّكها
اجل كيف حال اللي بصدره طفل جيعان=نما من همومٍ عضته في مشابكها
وراه الطريق المعتم وتيهة الحيران=ومن نور عفوك تنفتح له مسالكها
نخينا الطنايا في علي قاسم الرمان=وطيب المواقف كاسبينٍ معاركها