نطيت راس مشمرخات العناقي=والقلب يلعب مثل لعبة الدوك
يالله يا فتاح بوب اغلاقي=تفكني من لابة ٍ هرجها زوك
البارحه كني على عظم ساقي=اقالب الجنبين عدي على شوك
ونيت ونت غاضب البال شاقي=طريح قوم وبينهم طاح مشبوك
والا غريق بغب موج ٍ غراقي=ينخا وعمره بين الامواج مدروك
على الذي مايتقي بالمتاقي= يثني ورا الصابور والعج مسموك
ماينعي حي وراه الفراقي=ولا ينكره بعد الرفاقه الى اغثوك
قم سو فنجال ترى البال ضاقي=فنجال يجلي كل هم وداكوك
يا محلا مزت سبيل العراقي=أصفر يجيك بلوذت التتن مفروك
ودلال بيض ما غشاهن حراقي=وصينية يركض بها مثل مبروك
وفنجال بن مقيّس ٍ بالقناقي=ما حط مع بنه ولا الهيل مشروك
اليا ينطلق يشدا (لدم) الفلاقي=صبه لدسمين الشوارب اليا جوك
صبه وعده لمن يثني خلاف السباقي=في ساعة تلقا بها الكل مزنوك
صبه وعده عن خطاة الهلاقي=يقلط على البارد ويقصر عن احوك

يا راكب من عندنا فوق مرزام=تجفل اليا شافت خيال الرجومي
أمه شراريه وابوه لبني لام=يشدا ظليم روّح العصر يومي
عليه من يوصل كلامي من الشام=يلفي لشيخ والنشاما ركومي
يلفي على ممدوح من نسل سطام=اللي على قالت رفيقه يقومي
حلياك مثل الحر للصيد لطام=تاخذ بثاري يابعيد العلومي
لو هني من قلط الريش قدام =وبنا بيوت الحرب مثل الحزومي
وإلى كدوا ربعي تقل عسكر انظام=بطرافهم مثل رعيد الغيومي

يا ونتي بالحشى ونه= في ديرة الرتك يا طرادي
عيني من النوم منجنه=ما تقبل النوم يا اجوادي
وهموم قلبي الى جنه=في ظلمة والسفر غادي
قلبي كما با يد الشنه=تنثرت عقب الاصمادي
دنوا لنا حرة كنه=منوة غريب ومدادي
عملية قايم فنه= ومن البحر تمسي الوادي
يا ربعنا ما بها ظنه=الله كريم وعوادي

يا راكب من عندنا فوق مذعور= الحر قطاع الفجوج البعادي
ما فوقه الا الخرج والدل منشور=ودويرع يزها جديد الشدادي
اكرب بطانه واركبه يا بو سمّور=يشدا ظليم جافل مع حمادي
ممشاه من دومه على فجة النور=والعصر يسهج خشم لاهه وكادي
تلفي بيوت فيهن البن منثور=ونجر على طول المسافه ينادي
شعلان وان حثوا بهن كل شابور=ستر البنات ومقرعات التوادي
ذباحة للضيف من شمّخ الخور=وصياني ٍ يركض بها مثل نادي
أنهج وقل لطراد يا صايب الشور=يالحر ياللي من طيور الهدادي
شورك لهم منزال عرعر وابا القور=يا شيخ ماهذي وصاتي وكادي
لا صار عند الناس شاير ومشيور= انحر ابو سلطان ضد المعادي