الله مــــــن عـــــــيــــنٍ تـــزايــــــد شــقــاها
دايم تهل الــــــدمـــــــع يا نامــــوا الــــنـــــاس


والــفـكـر حــــار ودار ســــبــّـــة بــــلاهـــــا
تــقـــل لــهـــا عـن لـــــذة الـــنـــوم حــــــراس


مـاهــو شـهــر واســـبـــوع طـوّل أبــكــاهــا
ولـجــّت ضـلـوعــي وصـار بـالـقـلـب وسـواس


يالله يـــــا الـــلــــي عــالــمٍ وش شــفــاهـــا
تــفـــرج لـلـي يــرجــيــك والــخــلـق نـــعـّــاس


كـــــــم لــيــلـــةٍ مـــا انـام سـبـّـة غــــلاهـا
عـــــدي غــريـــب الـــــدار مــاحــولــي أونـاس


وقـبـلي عــقــابٍ حــب نــوت وشــكــاهــا
وشـرب مــرار الـحــب مــــن نــوت بـالـكــاس


وبــنت الــزنــاتــي يـــوم مـرعـي بــغـاهـا
تــحــاربـــوا وأسـبــابــهــا جـــــادل الـراس


والــقـلـب عــيـا عــشــقــتــه مــانــســاهـــا
وصــرنا عـلى مـاقـيــل بــيــن الـرجـا ويـاس


لـــو درت شـــــرق وغـــرب مافي ســواهـا
زهـت بـعـيـنـي وكـل عـيـنٍ لــهـــا قــيـــاس


مـاشـفــت أنـا بــــالبــيض مـلحــة حــلاهـــا
عــيـــن الـعــنــود ووصــفها ريــم الاطعـاس


والـعـمـرخــمــس وعـــشــــر بـاول غــواهــا
ونـهـده كـــمـــا الــتــفــاح بـــالصـدر جــلاس


هـــــــي وردة الـبــســتــان مــحــدٍ وطـــاهـا
مــزروعــةٍ بالــفـــي مع جـــــانب الساس


هايل

صح لسانك

قصيدة بل لوحة مرسومه لايتقنها إلا متمكن

سلمت وسلم فكرك