مابين سنجر و(ماسنجر)=زئبق تمكنن ومكنّي
بابريل كذبة إبر سنجر=لولا العقل شوّشت ظنّي
قالوا بهن زئبقٍ أحمر=بمكاين العجز متحنّي
له فايده واربعه واكثر=يستخرج الكنز من جنّي
الوضع مخطر وبه (دنجر)=وسذاجة القوم تغبنّي
سووا بهم خبز همبرجر=وياكثر من راح متعنّي
كذبه لنا اصبحت تنجر=وتناحة الناس تطعنّي
حلم الثرا يركز الخنجر=في مخ تفكير متدنّي
ومن بعد ماكان متبعثر=وصل العجايز ومتونّي
عقب المكاين غدن مرمر=في مذهب الرفض والسنّي
لسان الغبا بينهم ثرثر=وباذانهم كذب متثنّي
ومابين سنجر وماسنجر=كلٍ على ليله يغنّي