فدوةٍ لك ماسلبتي يالعنود=من غنايم قلبي وفيء الخيال
مع جموح الفكر واشواق الورود=ومن شمال الشوق للشوق الشمال
ولو تجاوزتي بي آفاق الحدود= في أفق حدّي رسمتيني مُحال
مع عيونك لهفة اللقيا تزود=وسيف رمشك في زوايا الشوف صال
البياض آشوفه بعينك يسود=والسواد يصارعه باعتى نضال
حطمت بعيونها جُبن الشرود=وزلزلت بجموحها عزم الجبال
والشعر خيط الحرير بدهن عود=أربك [ الدلماء ] في موت الهلال
بحبتين التوت ودودٍ ولود=بنتها اللوزه وفستقها عيال
ويوم ضعت بكارثة بيض الخدود=ماأبالي لاجل عصفور الوصال
عشقها غناني الحان الخلود=وحبّها شنشلني بعقد الدلال
عقبها الدنيا عساها ماتعود=وقبلها الفتنه طواريها خيال
وان قتلتيني بحبك يالعنود=دمي المسفوح لعيونك حلال