تبطي وانا جالس هنا واتحراك=ارقب متى شمسك على الكون تظهر
ملت عقارب ساعتي دقت اخطاك=ولاملت اعيوني من الدمع تنهر
تغيب والقالك عذر لجل ما اجفاك=و من الجفا كنك محلفني اسهر
غريب فيك و منك ارجع وانا القاك=وطن ملامح جيته دايم ابهر

..// ويطــول الغيــاب ويطـول معــه الشوق للمحبــوب ..
فتــكون تلك الثواني القليلــه للقى احلـى الاوقـات واجملهـا ..//

غيابك اصبح من ظرورات وقتي=وشلون يسرقني الزمان بغيابك
اقدر اقول ان الزمن لو سرقتي=منه ثواني جيتك لا ســرابك
يقول انا بس لـ هنا لا شرقتي=خليه يفهمها له الشوق جابك

وبعــدهــا والصــوره واضــحه هنـا ..//

غياب و احوالً لك الله عنهـا=يمـرني وقتي بلياك ظيقه
تعبت اشوف امالنا واحتظنها=على امل تصير لي بك حقيقه
حسبي عليك اشلون قلبك دفنها=وانا الزمن من بعدك اشلون اطيقه

والفــراق اخــر مراحــل الغيــاب ..//

اتصدق اني من كثر ما اعرف اجهلك=توبتني عن عشق غيرك وانا تبت
يا خي عليه رووف ماتشوفني هلـك=هيبتني وانا من الموت ما هبت
ملعون ابو حي الزمن وانت واهلك=لعبتوا بحسبت هلي لين ما شبت
ما عاد هي لحيه غلا واتماهلك=جيتك فراق واثر انا العيد لي جبت

..// فيـــا احبـاب رئفــاً بقلــوب محبيـــكم ..


انور