إقـرأ القصيـد حـظـوظ والا أكتـبـه فــال=يالشـاعـر الـلـي طــول عـمــرك شـمـالـي
غـــن الامـانــي وأرو الاحــــلام مــــوال=قـلـهــا تــواضــع وأعـتـبـرهــا تـعــالــي
لــو الحـيـاه أنـثـى .. لــو الـمـوت رجـــال=أمـسـى الـغـلا وأصـبـح بـســود اللـيـالـي
سولف ولا تنشد عن الجــد والخال = أنا عمامي يالسنافي خوآلي
إلـوانـك البيـضـاء عـلــى كـــل الاشـكــال=أصـــدق مـــن الـلــي مـايـكّـذب خـيـالــي
كــان الـزمــن غـربــه والانـســان رحـــال=كــان الـوفـا سـيـره وجـابـك سـؤالـي
أقـــوال مبـنـيـه عــلــى غــيــر الافــعــال=مـاهــي لـنــا يـمـنـى ولاهـــي شـمـالـي
وأفـعـال ماتـثـبـت لـنــا كـــل الاقـــوال=أول صــداهــا مــالــه الــيــوم تــالــي
والذل ياسيفً نسله ويختال = لاهو من أخواني ولامن أعيالي
طبع الشمالي ماشكى ميلة الحال = يموت عالي وان بقى عاش عالي
شعره لك الله مايعـّـدل بالاموال = ياشاعراً فكره يبرر جمالي
يكفيني انك تسمع اللي لك يقال = وأنا أسمع اللي فيك يكتب بدالي
وكـل الـسـوالـف والـقـصـايـد والامــثــال=مـاتــشــبــه الا مـســتــواهــا مــثـــالـــي
أن قـالــوا أنـــه مـاحـكـا غـيــر مـاقــال=مـاهــو قـريــب ولا بـعـيــد الـمـدالــي
قصـيـدك الـلــي كـــان لـلـشـوق مـرســال=وأحسـاسـك الـلـي ماشـعـر فـيـه غـالــي
أولــــك مــاهــو لآخــــر الــقــوم مــيـــال=وآخـــرك مـاهــو لأول الـربــع خــالــي
دنـيــاك حـالــه وآخـرتـهــم لــهــا حــــال=وأولـهــم أحـــزن مـــن هـمــوم الـتـوالــي
ونقرأ القصيد أحساس أو نرسمه فال=مـن يجـبـره كـسـر النصـيـب الشمـالـي ؟